السلام عليكم ورحمة الله وبركاته
كيفكم انشا لله تمام
دحين اسمعوني عندي موضوع مرررررة مهم
بش المشكلة انو كتير من البويز والقيرلز ما ينتبهو لموضوعنا ده تمام
موضوعي عن الام
انا حدخل في الموضوع دايركت ولا مقدمات ولا مقبلات ولا أي شي
المهم اللي ابغى اوصلكم ياه انه الواحد مهما كان عليه ضغوط في البيت من اهله سواء من امه او من ابوه هدا كله راح يكون في ميزان حسناته صح. ؟
بعدين اقلكم بصراحة واعدروني على الكلمه دي .... لو الواحد كان مع صحبته او حبيبته والبنت نفس الطريقة يحاول كل واحد منهم انو يكون كلامه كويس وما يغلط في الكلام <<< قال لبق يعني.
طيب ليش مانسوي الكلام ده مع الام والاب.؟
دحين الام اللي شالتك في بطنها 9 شهور
تاكل اكلها وترفس بطنها ليل نهار <<< قروشة جواة بطنها.
ما تستاهل انها تكون احب شخص عندك.؟ اللي يزعل الواحد انه في قايز يصرخوا على اهلم وما يعملوا مشاويرهم ومايتكلموا معاهم تمام .
ترى كما تدين تدان اللي تعمله في اهلك عيالك راح يعملوه فيك.
ليش مايكون كلامك حلو
يعني متلا لما تكلم امك قلها ياعسل ياقمر ياحلوة يعني دلعها
قلها كلمتين حلوة ترى على فكرة اي ام تجي بالسياسة <<< يعني اني اعرف اتكلم زي الكبار ... سياسة هاا طيب.....
دحين بش بقلكم شي واحد لا تضيعوا ابائكم وامهاتكم ترى دعوة الاب والام اقوى سلاح.
موضوع: اغلى ماعندي امي.......... 
يوليو 14th 2008, 10:50
